Meet the Team
We proudly present our KCL Chinese Society V Show 2025 Committee!
Producer
「初衷」
你問我點解一開始會想玩vshow？可能係自己本身都對藝術好有興趣，加上自己讀media嘅關係更加對media production（不論drama, 拍攝trailer或者MV）都有一定嘅要求，好想搞好呢場show
「同舟共濟揚帆起，乘風破浪萬里航」
但更加多嘅係，可以同我呢班莊員一齊grind，就好似同drama director 一齊finalist份稿到凌晨4點，同music di諗下呢個位唱呢隻歌啱唔啱，又或者係同publication di度下trailer拍攝嘅內容。不幸地我地冇marketing 同backstage di ，我地要分工埋相對嘅工作，試過有日做到爆，都多得細p幫我頂住撐起我 <3 你話如果冇secretary幫我地chur各個email、冇dance di 咁自覺去搵dancers 同有規模地編曬咁好睇嘅舞、冇technical di咁勤力去其他唔同show學tech野等，呢場show都一定唔會搞得成。
「關關難過關關過」
一開頭招募演員/singers/dancers/backstage crew嘅時候，收到嘅google form少之又少，做事心急嘅我當機立斷ig dm曬kcl大部分嘅香港人邀請大家一齊參與呢場show，好好彩比我搵到呢班咁正嘅團隊，成班又上心又勤力嘅cast，一手一腳去剪同埋砌props嘅backstage crew，仲有一班好talented嘅singers同dancers。喺搞vshow嘅過程，遇到嘅挫折可以話係一波未平一波又起，喺呢到真係要多一多謝返我啲上莊naoki同bosco幫我喺唔同situation下俾咗好多有用嘅意見我去解決各種問題。
「溯影尋昔，瞝念舊時情」
今個show嘅三個故事都以「情」為主題，分別係友情愛情親情。有時感情呢家野真係好撲朔迷離，隨住長大，自問幾多人真係仲有好似nokia alvin tom之間咁嘅友情，即使被誤會，對方喺你有事嘅時候都會两肋插刀；因為見識到嘅野多左價值觀慢慢變得唔同，大家對愛嘅追求究竟只係講求單純嘅愛，鎖定喺最一開始對方吸引住嘅位而去延伸呢段關係，不論合適與否，都會憑住一個「愛」字行落去，定係好似晴晴eric咁選擇放手去走人生唔同嘅道路；記得睇破地獄嘅時候，有一句特別深刻——「在世嘅人嘅感受先係最重要」，好多時我地身在福中不知福而忽略左身邊最親嘅人嘅感受，不自覺地將個份愛變到理所當然，當佢地離世後先後悔莫及，正如maria即使同黃夏衛毫無血緣關係，但佢對夏衛嘅愛何嘗唔係超越親人嘅愛？香港地有好多家庭都有工人姐姐，有啲甚至係好後生已經嚟左做野，被僱用嘅佢地可能仲要比本身僱主屋企嘅家長更加盡責任去照顧個小朋友，但偏偏佢地會被世俗嘅階級觀念當作社會最底層從而去無視佢地嘅需求，但佢地係放棄自己嘅人生離鄉別井為咗嘅只係為左生活生存，咁點解佢地唔值得被愛被尊重？有幾多人好似夏衛咁 咁後知後覺，忽略咗身邊最重要嘅親人？
「感言」
最後 多謝大家睇到呢到，希望大家睇vshow睇得開心，y'all made my year 1 extremely meaningful ♡
Co-producer
成日都覺得細p係一個好無定位嘅工作，好多時候都要自己搵嘢黎做或者r嘢做。我會話我呢個位係一個溝通、調停嘅角色，有時真係以為自己係個 ‘bridge’ (literally lmao)。
成日都喺排戲個陣笑到停唔到，但係更多可能係
見到班演員進步自己都會一齊開心埋一份，好多種唔同嘅成功感。問自己有無後悔上莊，答案係一定無，因為我覺得同呢班人可以create我地專屬嘅memories, 唔係同呢班人的話我唔會肯上莊。
同埋要多謝sophia & bryan, 每次排完戲/莊meeting都係你地陪我一齊由canada water搭C10返屋企，最舒服同最stress relieved嘅時候就係個陣。最緊要多謝大p肯一手一腳搞好個show, 係你眼中可能自己成日都做得唔好，但係你嘅努力我地絕對看在眼內同埋appreciate.
「記住要共最美的人分享每個夜晚」 —— 希望大家會真心enjoy呢場我地俾咗一百分心機嘅show！
Publication Director
九月份嘅我 - 「得閒拍下片整下圖好似好輕鬆姐 好啦咁我apply做pub di」
結果換嚟嘅係由頭計劃到尾完show 五個月畀Illustrator冇停過咁強姦
講笑講笑～ 不過認真講 有邊個publication會話自己輕鬆吖
廢話都係要講「天份固然重要 但後天努力先係成功最關鍵嘅位」
其實整圖呢啲軟件差唔多全部都由零開始睇yt自學 到依家都只係叫做啱啱好過咗摸索階段
識我嘅人應該都知我係一個workaholic嘅完美主義者
所以一切作品除咗對得住人 最重要都係要對得住自己 咁先放心岀得街
相信我啲frd近排聽我講最多嘅phrase一定係：好攰 好辛苦 好想瞓覺
諗起我成個二月都chur到爆要編拍剪Trailer又要岀相再兼顧做Dancer去練舞
忙到分幾個身都搞唔掂 瞓都乜點瞓過變到成個痴線佬咁 直頭連岀機場半個鐘 甚至返學搭車一個站休息時間都唔放過
開心唔開心嘅 點都一定有啦
不過最後都想多謝咁多位莊員幫手分擔一下workload 尤其是Athena畀好多好多靈感又幫手協調啲casts同Mandy提供emotional support
唔係講笑個個都幫到我好多忙
Anyways希望大家鐘意我地嘅作品啦
Secretary
原本係一個friend group一齊上莊做場show等第時睇返個大學生涯會精彩啲，但係好多嘢都比我想像中要複雜。中間遇到好多事，有幾次真係差啲做唔到落去。我係真係驚我地就咁就要停低唔再做㗎，好彩嘅係我地本身friend底大家都肯一齊頂住。我其實要做嘅都係揾theatre，book場，揾sponsor，send email。聽落好簡單但係啲人成日都唔覆機明明好快可以完成都搞左好耐。一開始都驚驚地send email打電話比唔識嘅人仲要係一啲公司同供應商，點知我做做下又幾enjoy又幾厚面皮，係度chur人覆email覆whatsapp覆電話。 我唔知呢場係一個好定唔好嘅vshow，但係我唔後悔同佢地上莊。
Drama Director
「0 drama 經驗喎，chinese a level 仲要得A咋喎，我真係做到drama di咩？」
一開始嘅我係咁諗嘅。
做做吓，由諗theme ，到揼台詞，再到排戲。我又好似得喎！但係真係好多謝我啲白卡莊員，naoki同埋melissa 俾意見，如果唔係可能到而家劇本都未寫完。
「寫劇本真係一樣好辛苦嘅嘢，尤其是冇靈感嘅時候，日日都要淆到七點😭。」
到而家一有靈感就會想即刻mark低，尤其沖緊涼或者屙緊屎特別有靈感，我稱之為dram Di 後遺症。
但係而家寫完劇本睇返轉頭，一身鬆晒，又有啲唔捨得。
排戲方面，都真係多謝d cast自己好快就Get到我想要啲乜嘢效，同埋會盡量抽時間出嚟排戲。
去到而家呢個stage，我終於可以自豪咁講句：「我係一個負責任嘅drama di!｣
最後，希望觀眾會鍾意今次呢個v show !我寫劇本嗰陣時有根據我珍惜嘅人入邊作參考，包括呢班柒柒地嘅莊員🫣
Music Director
嗯，點開始好呢？係入uni前已經聽過吓Vshow呢樣嘢，係咁以知道係一樣好忙好多嘢做好chur嘅事，一早就有過來人叫我唔好攞苦嚟辛，因為我係一個好懶嘅人。
但係，我識咗一大班人，佢哋令我覺得我想同佢哋熱血一次，所以最尾都係同佢哋一齊上咗呢條「賊船」，決定同呢班傻佬傻婆做認真嘢。成個Vshow我就係不斷做緊啲out of my comfort zone嘅嘢，突破自己，我唔識跳舞，跳得同隻蟹差唔多，我未做過actress，仲要一嚟就咁惡鬧人，我更加唔知Music director其實係做乜嘢，點樣整soundtrack ，仲要part-time做埋Marketing director，睇實盤數。
Throughout 呢兩個月真係好忙好攰，加上撞咗placement ，唔係rehearsal就係練舞，定時定候見住同一班人，personal life 嘅時間少之又少。經歷過無數個「大鑊啦，大鑊啦」moments，有笑有淚，練舞練到俾自己同啲傻仔們笑死，忙到頂唔順就攬住人呻，呻完之後繼續做，傾偈嘅topic都好似圍繞着Vshow咁，最尾都係一仆一碌咁樣砌啲嘢俾大家睇。我會好好記住呢份忙得嚟但好有成就感嘅感覺，會掛住同大家朝見口晚見面嘅日子。
我要送個大攬攬同好多個kiss kiss俾我啲cute cute 莊員，大家都好叻女好叻仔，辛苦哂! 好彩有你哋！好彩係你哋！完咗之後要一齊好好咁唞!
希望大家鍾意我哋嘅心血! 鍾意我哋啲靚仔靚女singers ! 鍾意kclvshow2025! Enjoy the show!!! Thankqqq xx !
Dance Director
「由頭再嚟過 x N」
跳咗咁耐舞，俾人鬧咗咁多次，俾人排咗咁多次位，今次終於到我鬧人，排人哋位點人跳舞啦！
次次join show case 都覺得成件事好熱血，同一班人一齊跳舞，真係好開心！今次終於輪到我有呢個機會去排一隻我嘅舞啦~ 今次真係見識到好多跳舞好勁嘅人，學咗好多嘢，同埋排com dance 真係好得意！！！ I love the comm dance! 大家可以見到啲男仔着裙！
作為一個極度p嘅人，我真係好好彩，每次都可以喺Rehearsal之前嘔得到隻舞出嚟，大步檻過，唔使俾啲dancer屌！ 但係為咗折磨大家，我會不斷地叫大家從頭再嚟過，次次都要flat out，仲要特登排啲好難嘅走位，就係為咗睇大家struggle 俾啲掙扎！ 見到大家都咁辛苦我心理真係平衡咗好多！
Technical Director
一開始話做tech di 嗰陣以為自己話晒讀computer science，應該冇乜難度，仲以為細位冇乜嘢做，點知去到AGM先發現原來自己好似對所有嘢都一舊飯咁。後來叫做玩多咗lighting攞返少少經驗，但係感覺上都唔係好足夠，今次仲要係我第一次lead住一班tech crew，對於我嚟講絕對係一個挑戰。冇naoki一直提我要預備d咩，同埋一班人幫我揾connection，真係唔知點算好。每次去rehearsal見到大家做得越來越好，有陣時不知不覺有壓力，好撚驚自己會整衰場show，好彩大家都好supportive！！
最後都係講返啲老土嘢 - 多謝咁多位comm, backstage, cast犧牲自己寶貴嘅時間搞好嚟個vshow!
